Arsaannerit ingerlaqqipput
Ullumi nalunaaqutaq ataatsimut arsaalluni pissartanngorniunnerit aallarteqqinneqarput. Ualimullu unamminerit pingasut KNR-TV-kkut toqqaannartumik aallakaatinneqassapput.
Allattoq Elisa Isaksen
Unamminerit ualimut tv-kkut toqqaannartumik aallakaatinneqalerpata siulliullutik unammisussat tassaapput, N85 Narsameersut aamma Qimmeq 45 Upernavimmeersut, tulliussallutik FC Malamuk Uummannameersut aamma K33 Qaqortumeersut, kingulliussallutillu G44 Qeqertarsuarmeersut aamma B67 Nuummeersut.
Tv-kkut aallakaatinneqanngitsumik unnugu unammisussat tassaapput N48 Ilulissaneersut aamma Nûk Nuummeersut.
Ullumikkut unamminerit inerneri takorusukkukkit KNR-ip tekst tv-ani qupperneq 800-ikkut alakkartersinnaavatit.