Normu 7-nngorniullutik normu 8-nngorniullutillu siullermik unammipput, tassani B-67 Nuummeersut quleraarlutik ajugaapput, unammisaat Kâgssagssuk Maniitsumeersut illaagutitaartut.
Normu 5-nngorniunnermi 6-nngorniunnermilu Tasiusameersut Eqaluk 54 aamma Uummannameersut Malamuk unammipput, taannalu minutsialunnguit matuma siorna naammassivoq, tassani Malamuk marloraarluni ajugaavoq, Eqaluk 54 ataaseraartut.
TV-kkut toqqaannartumik aallakaatitsineq massakkut ingerlavoq, tassa semifinalit marluk aallakaatissallugit – Kulusummeersut TM-62 aamma Kugsak Qasigiannguaneersut unammissapput, taakku naammassippata N-48 aamma K-33 unammissallutik.