Arpattartoq timersullammattut toqqarpaat

Arpattartoq Niels Berthelsen Sisimiuni timersullammattut toqqarneqartoq, illoqarfiup aviiseeraa Silleq allaaserinnippoq.

Niels Berthelsen arpattartut peqatigiiffiannik 'Ralak'-mik aallarniisuuvoq 2009-milu Greenland Adventure Raceimi ajugaalluni. Ukioq taanna aamma Aasiaat Midnight Sun Marathon-imi ajugaavoq Berlin Marathon-imi peqataanissaq akissarsiaralugu.

Piukkunnaatilittut toqqarneqarput Taekwon Do-rtartut Jonathan Jonathansen aamma Lars Lennert Sørensen nunanut allanut unammisartunut aamma peqataasalereersut. Taakku misilittakkaminnik timersortartoqatiminnut ingerlatitseqqinnissamik aamma pingaartitsisarput.

Sungiusaallammattut toqqarneqarput Esaias aamma Karoline Lennert assammik arsarnermi meeqqanik sungiusaanermi annertuumik suliaqartartut. Taakku siuuttoralugit SAK-p meeqqanut immikkoortoqarfia Børne Cupini angusarissaartarpoq.

Ataqqinaammik nersornaat Hansignâraq Boassenimut tunniunneqarpoq taannalu suli maannamut assammik arsarnermi sulorarnermilu timersortartuuvoq.