Arnat pingasut Naalakkersuisunut ilaasortaalerput

Savalimmiut pernaammik aalajangersimasumik nunanut allanut ministeriaqarfittaareersullu Naalakkersuisunut ilaasortat arfineq-marlunniit arfineq-pingasunngorput.
februaarip 05-at 2008 05:33

Lagtingimut januaarip ulluisa 19-ianni qinersisoqareersorlu Naalakkersuisut nutaat toqqarneqarnialermata, arnanik aamma issiatitaqarnissaq pingaartinneqarpoq. Maannalu arnanik pingasunik Savalimmiuni Naalakkersuisuutitaqalerput.

Naalakkersuisunngortut ippassaq unnukkut inissititerneqarput, partiit siulittaasui siunertaminnik ilutigalugu atsioqatigiillutik. Savalimmiuni namminersulerniarluni suliniutit ingerlaqqissapput, inunnik isumaginninnermut tunngasut pitsanngorsarneqarnissaat ilutigalugu pingaartinneqarluinnarluni anguniarneqassalluni.

Joannes Eidesgaard Socialdemokratineersoq Lagmanditut ingerlaqqissaaq, Socialdemokratillu Naalakkersuisuni ilaasortaatitaat marlunnik ilassapput.

Republikanerit sisamanik ilaasortaatitaqalissapput, taakkununnga ilaalluni Høgni Hoydal, taanna nunanut allanut tunngassuteqartunut Naalakkersuisuussaaq.

Centerparti ataatsimik ilaasortaatitaqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq