Arnat Peqatigiit Kattuffiat nersornaaserneqarpoq
Arnat Peqatigiit sinnerlugit nersornaammik tigusisuuvoq Uthilie Heilmann, nersornaallu tunniunneqarpoq Kultureqarnermut Naalakkersuisumit Mimi Karlsenimit.
- Nersornaaserneqartussat toqqaratsigit pingaartissimavarput kalaallit arnat suliarisaannik annertuumik kinguneqarluartumik nalilerneqarsinnaanngitsumik tammatsaaliorneqarsimanermullu sulisimasut nersorneqarnissaat - aammalu ukiut tusintilikkaat ingerlanerini nunatta nammineq tunniussinnaasaanik atuinermik ingerlataqarsimaneq. Taama allapoq Kultureqarnermut Naalakkersuisoq, Mimi Karlsen.
Ukiut 50-it matuma siorna Arnat Peqatigiit pilersinneqarput, Arnat Peqatigiit ileqqutoqqanik pigaartitsinerat Mimi Karlsenimit erseqqissaavigineqarpoq.
Naalakkersuisut aalajangersimavaat malunnaatilimmik suliniuteqarsimasumut aamma ileqqutoqqanik kulturikkut kingornussatsinnik ataqqisatsinnik eriagisatsinnillu aallutaqarluarsimasumut takutitsilluartumullu tunniunneqassasoq.
Diplomit checkillu Kultureqarnermut Naalakkersuisup Mimi Karlsenip tunniuppai.