Naggueqatigiit Inuit arnartaat nersornaaserneqartut
Nersornaatisisoq siulleq Iqalunneersoq Maatalii Okalimmik ateqarpoq, taannalu Inuit inuusuttut isumalioqatigiissitaanni National Inuit Youth Councilimi siulittaasuuvoq.
Taanna tusagassiorfinnut oqarpoq, Inuit inuusuttaat illoqarfimminni nunaqarfimminniluunniit misigisaminnik nuna tamakkerlugu oqaluuserinnissinnaanissaat pingaaruteqartoq. Illoqarfimmilu nunaqarfimmiluunniit siuttutut piginnaasaqalersitsisartut inuiaqatigiinnut siaruarnissaat pingaaruteqartoq, Okalik oqarpoq.
Inuusuttup nersornaatisisup aappaa Sarah Janckemik ateqarpoq, inuusuttunillu aamma sullitaqartuulluni. Sarah Jancke nunaqarfimmit Qaluktuttiameersoq, nunanut allanut attaveqarnerup iluani atorfeqaleqqammerluni, nunaqarfimmi inuusuttunut sullissinerminut nersornaatisivoq, taannalu i.
Inuusuttuinnaat nersornaaserneqanngillat
Nersornaaserneqartulli inuusuttuinnaanngillat. Arnap utoqqaap Kangiqlineqiminngaanneersup, Hannah Benoitip, naggueqatigiit Inuit piorsarsimassusaannik ileqqutoqaannillu ilisimasaqarnera pissutigalugu, the Wise Woman Awardimik taaguutilimmik, tassa arnap silatuup nersornaataanik nersornaaserneqarpoq.
Arnanut illoqarfimminni nunaqarfimminniluunniit suliaqarluartunut nersornaatit 2009-mi pilersinneqarput.