Ullormut nalunaarut: Arnat marluk Nuup timaani aqqutissartik tammaraat

Arnat marluk Nuup timaaniitsillutik sumiinnertik paatsiveerullugu politiinut sapaammi unnukkut nalunaaqutaq 19.30 qaangilaaraa sianerput.

Sillimasut pisortaata oqarnera naapertorlugu, arnat sianeramik qaarsup sinaani, oqarasuaatitik angallattakkat attavinitsiniarlugit qaqiffigisimasaminni, issiapput.

- Arnat sianeramik nalunaaquttap-akunnerini sisamani pisoreersimagaluarput, Kalaallit Nunaanni Politiini sillimasut pisortaat Hans Peter Berthelsen oqaluttuarpoq.

Arnat sumiinnertik oqaatigiuminaatsippaat, Isikkiviulli eqqaani nassaarineqarput, sillimasut pisortaat oqaluttuarpoq.

Arnat aternissaannut ikiorniarlugit qatserisartut aggersarneqarput, qatserisartulli arnat tikikkuminaatsippaat arnallu qaarsup sinaanit aternissartik ajornakusoortillugu, sillimasut pisortaat oqaluttuarpoq.

- Taamaattumik SAR-ip qulimiguuliutaanik aatittussanngortinneqarput, Hans Peter Berthelsen oqaluttuarpoq.

Arnalli qulimiguuliup tikiutinnginnerani qatserisartunut namminneerlutik ammukarput.

- Taamaattumik suut tamarmik ajunngitsumik inerneqarput, Hans Peter Berthelsen oqarpoq.