Arnat marluk Danmarkimi tusarnaartitsissapput
Erinarsortartoq isiginnaartitsisartorlu Aviaja Lumholt Taqralik Partridge Nunavimmeersoq peqatigalugu Københavnimi sapaatip akunnerata tulliani tusarnaartitsissaaq.
Allattoq Louise M. Kleemann
marsip 23-at 2010 10:41
Aviaja Lumholt nipuilersortarlunilu isiginnaartitsisartuuvoq, isiginnaartitsisartoqatigiinni Tuukkaq Teaterimi nipilersornermillu ilinniarfimmi Rytmisk Konservatoriami ilinniarsimavoq. Nipilersortartut assigiinngitsut suleqatigisarsimavai, soorlu New Jungle Orchestra, Klüvers Big Band, Marilyn Mazur Rasmus Lyberthilu.
Taqralik Partridge Montrealimi Canadameersoq, isiginnaartitsisartuullunilu torlussortartuuvoq assigiinngitsunillu piginnaasaqarnermigut immikkuullarissumik takutitseriaaseqarlunii, Søren Thalund Kalaallit Illuanni Københavnimiittumi paasissutissiisartoq, taama oqaluttuarpoq.
Tusarnaartitsineq Kalaallit Illuanni pingasunngorpat pissaaq.
