Arnat Inatsisartunut qinigassanngortittut angutinit ikinnerungaatsiartut
Qinigassanngortittut pingajorarterutaannaat arnaasut sapaatit akunneri pingasut qaangiuppata qinerneqarsinnaassapput.
KNR-ip paasiniaanerani tamanna erserpoq.
Arnammi qinigassanngortillutik sassartut partiimit partiimut assigiinngillat - Atassut sinnerlugu sassartut 15 procentiinnaasut Demokraatineersut arnat 46 procentii sassarput.
Arnat Inuit Ataqatigiit sinnerlugit sassartut affangajaapput tassani 45 procentit sassarmata.
Aammali Siumut partiianni arnani sassartut amerlagisassaanngillat, arnammi 15-it taamaallaat qinigassanngortipput - angutini 59-it qinigassanngortittut.
Taamaalilluni 2017-imi kommunimut qinersisoqarneranit arnat qinigassanngortittut amerlassusaat sanilliutissagaanni arnat qinigassanngortittut sisamararterutaannai inatsisartunut qinigassanngortipput.
Inatsisartuni massakkut ilaasortaasut 31-upput taakkunani arnat qulingiluaannaallutik.
