Arnat assammik arsarlutik nunarsuarmi Japanimi pissartanngorniuutileruttortut
Nunatta Japanillu akornanni nalunaaqutaq akunnernik aqqaneq marlunnik nikingammat arnat qallunaat assammik arsarlutik unammisartut unamminerat isiginnaarniaraanni ullaarorluni malinnaaffigineqartariaqassaaq.
Allattoq Karsten Sommer
Danmarkip unamminerup pingajuanni nalunaaqutaq qulingiluanut qiteqquppat unamminerat isiginnaarneqarsinnaassaaq.
Danmark Tysklandimut unammissaaq. Tyskland marloriarluni unammereernermi Danmarkip gruppiani normu 1-iuvoq.
Danmark marloriarluni unamminermini siullermik Australiamut ajugaavoq, Korea Kujallermullu naligiilluni.
Danmark Tysklandimut ajugaasinnaaguni gruppimi normu 1-inngussaaq.
Unammineq nalunaaqutaq ullaaq manna qulingiluanut qiteqquppat KNR2-kkut toqqaannartumik isiginnaarneqarsinnaassaaq.