Arnat assammik arsarlutik Europami pissartanngorniunnerat aallartittoq
Arnat assammik arsarlutik Europami pissartanngorniunnerat Sverigemi ippassaq aallartippoq.
Allattoq Karsten Sommer
decembarip 05-at 2016 06:39
Nutserisoq Simon Uldum -
Ilaatigullu Sverige, Tyskland aamma Frankrig unammeqqaarnerminni ajugaapput.
Danmarkip nunanut allanut unammisartui ullumikkut ataasinngornermi unammisussaapput. Unammiuaarnerni peqataasut sanngiinnersaattut taaneqarsinnaagunartoq - Montenegro - unammineqassaaq.
Unammineq taanna KNR2-kkut toqqaannartumik nalunaaqutaq 16.30-mit aallakaatinneqasssaaq.
Unammiuaarnerni ajugaasussatut ilimagineqartoq tassaavoq Norge. Nuna unammiuaarnernik aaqqissuisuusoq Sverige aamma nukittuumik inissisimavoq, taamatuttaaq Frankrig. Danmarkili aamma unammiuaarnerni pitsaanerit ilaattut inissisimavoq.
Unammiuaarnerit decembarip 18-iani tungaanut tungaanut ingerlanneqassapput, ulloq taanna pissartanngorniutivittoqassalluni.
