Arnat arpatsinneqarput
Allattoq Mads Lynge
Sapaammi illoqarfinni tamani nunaqarfinnilu ataasiakkaani arnat arpatsinneqarput.
- Illoqarfiit tamarmik nunaqarfiillu arfinillit arnanut arpatsitsipput, arpatsitsinermi aaqqissuisoq, Aminnguaq Dahl Petrussen oqarpoq.
Arpaffissaq kilometerinik tallimanik isorartussuseqarpoq, Aminnguaq Dahl Petrussenillu ilimagaa arnat 150-t missaanniittut arpaqataasimasut.
Peqqissuunissaq nuannaartuunissarlu arpatsitsinermut tunuliaqutaapput:
- Inuit nuannaartoorusulluta peqqisoorusullutalu, taavalu sapaat atorusukkatsigu ataatsimoorluta arnarpassuulluta nuannariinnarlugu, Aminnguaq Dahl Petrussen oqarpoq.