Arnat Aasianni arpattut
- Arpatsitsinerput soqutigineqartorujussuuvoq, aamma suliffeqarfiit suleqataalluarnerat iluaqutaagami, arpatsitsinermik aaqqissueqataasoq Hanne Kristiansen radioavisimut oqarpoq.
Atuagassiaq ”Arnanut” siornatulli ukiormanna arpatsitseqqissanersoq Aasianni arnat paasiniarsimagaluarpaat, paasitinneqariaramilli ikiortissaasuaneq pissutigalugu ukiormanna arpatsitsisoqarnianngitsoq,
Aasianni arnat namminerisaminnik ippassaq iluatilluartumik arpatsitsipput.
5 kilometerimut arpatsitsinermi apuuteqaartuupput Amalie Bourup, Pipaluk Kristensen aamma Hanne Kristiansen.
Aasiammiut sapaatiuppat aamma arpaqataanissamut piareersimapput. Sapaatiuppat nuna tamakkerlugu ”Arpatta”-p aaqqissugaanik ilaqutariinnik arpatsitsisoqassaaq.
- Maannamullu illoqarfiit tamarluinnarmik nunaqarfippassuillu peqataaniarlutik nalunaareersut, ”Arpatta”mut aaqqissueqataasoq Kim Godtfredsen unnersiorpoq.