Arnaq ukiup affaanik pineqaatissinneqarpoq
![](/sites/default/files/styles/image_934x467/public/article_images/nuuk_kredsret_skilt_630.jpg?itok=yjoEa-Rz)
Nuummi unnerluussisuutitaasut, politiit, arnap angutillu inooqatigiit unnuk inna qanoq pisimanerannik misissuereerlutik arnap angummik saassussinera sangiannermik ningarnermillu aallaaveqartoq. Taamaammat eqqartuussivimmi saqqummiussassanngortippaat arnap angutaamminik kiinaagut qungasiagullu kilersisup angummik toqutseriarsimasutut pineqaatissinneqarani nakuusersimasutut pineqaatissinneqassasoq.
Inooqatigiit oqqannerat naggataagut puiaasaq sakkugalugu saassussinermik kinguneqarsimavoq.
Pisumut ilisimannittunik apersuereernermi, arnap toqutseriartutut pineqaatissinneqarani persuttaasimasutulli pineqaatissinneqarnissaa eqqartuussisunut siunnersuutigineqarpoq.
Nuup Eqqartuussiviani arnap ukiup affaani Pineqaatissinneqarsimasunut Inissiisarfimmiinnissaa ippassaq aalajangerneqarpoq, inissiisarfimmiinnissaalu arnap ullormit maajip arfineq-pingajuani tigummineqarallalerfianiit aallartissasoq, eqqartuussisup Myrna Lyngep ilisimatitsissutigaa.