Arnaq toqutseriaraluartoq pineqaatissinneqartoq
Arnaq angummik toqutseriaraluartoq pinerluuteqarsimasut inissiisarfianni ukiuni pingasuni qaammatillu arfineq-marlunni inissinneqartussanngorluni Eqqartuussisoqarfik Kujallermit pineqaatissinneqarpoq.
Allattoq Jonas Fievé
Pinerlunneq politiinut kallerriutigineqarpoq juulip ulluisa 26-anni nalunaaqutaq ullaassakkut tallimanngulersoq.
Angut 50-it sinnerlugit ukiulik Qaqortumi angerlarsimaffimini arnamit ukioqatigisaminik savimmik kapitissimavoq, arnarlu pineqartoq, angutip angerlarsimaffianiittoq, kapisisimanini nassuerutigaa, politimesteri tusagassiorfinnut nalunaaruteqarluni allappoq.
Angut savimmik kapineqartoq ingerlaannaq napparsimaviliaanneqarpoq nakorsartinneqarlunilu.