Arnaq toqqusassillugu toqunneqarsimavoq
Arnaq 50-inik ukiulik aapparminit 47-nik ukiulimmit Ilulissani sapaatip akunnerani kingullermi toqutaasoq, toqqusassillugu toqunneqarsimavoq. Toqungasup timaata misissorneqareernerata kingorna tamanna paasineqarpoq.
Allattoq Nauja Møller
marsip 11-at 2010 08:55
Toqutsinermut suna peqqutaanersoq pillugu politiit annertunerusumik oqaaseqarusunngikkallarput.
Angutip 47-nik ukiullip toqutsisuunini politiinut nammineerluni sapaatip akunnerani kingullermi pingasunngornerup unnuaani nalunaarutigaa, sapaatillu akunnerini sisamani tigummigallagaavoq.
