Arnaq angutinik pingasunik kapisisimasutut pasineqartoq
Nuummi imerniartarfiup Kajitsiinaaqqap silataani saassussisoqarnerani inuit pingasut savimmik kapineqarput.
Eqqartuussisoqarfik Sermersuumi arnaq 20-t sinnerlugit ukiulik inatsit tunngaviusoq naapertorlugu sapaammi unnukkut decembarip qulingani matoqqasumi killisiorneqareerluni pasisatut tigummigallassanngortinneqarpoq.
AAMMA ATUARUK Nuummi inuit pingasut savimmik kapineqarput
Suliamullu atatillugu misissuinermi arnaq decembarip 22-iata tungaanut tigummigallarneqassasoq eqqartuussivik aalajangerpoq.
Perulluliortoqarnerani politiit apuummata angutit pingasut savimmik kapineqarsimapput. Tamatuma kingorna savimmik kapisisimasutut pasineqartoq politiinit tigusarineqarpoq.
Savimmik kapineqarsimasut navianartorsiunngitsut politiit aamma nalunaarutigaat.
Arnaq pasineqartoq pisuunnginnerarpoq tigummigallagassanngortinneqarninili akueralugu.
