Arnaq savilersoqqittoq tigusarineqartoq
Arnaq 24-nik ukiulik misiligummik iperagaangallarnermi nalaani pinerluuteqaqqittoq politiinit tigusarineqarpoq.
Allattoq Louise M. Kleemann
Arnaq Narsameersoq misiligummik iperagaangallarnissani sioqqullugu ukiuni marlunni pineqaatissinneqarsimasunut Inissiisarfimmiippoq. Kisianni misiligummik iperagaangallarnini naammassingajalerlugu inummut siornatigut savilersorfigisimasaminut savilersoqqippoq. Inuk saassunneqartoq arnaanersoq angutaanersorluunniit Narsami politiit oqaatigerusunngilaat.
Inuk saassunneqartoq annertunerusumik ajoqusersimanngilaq.