Arnaq puigortunngortoq Esbjergimi periarfeerunneqartoq ajunngitsoq nassaarigaat
Kalaaleq arnaq 75-inik ukiulik angerlarsimaffimminit sapaatiummalli periarfeerunneqartoq ajunngitsoq ullaap tungaani nassaarineqarpoq.
Allattoq Simon Uldum -
februaarip 14-at 2017 08:03
Syd- og Sønderjyllandimi Politiit TV SYD-imut taama ilisimatitsipput.
Arnaq 75-inik ukiulik sapaatiummalli periarfeerunneqartoq ajorani ilisarisimasaminiittoq nassaarineqarpoq.
Syd- og Sønderjyllandimi Politiit pigaartuisa ittuata, Søren Strægaardip, TV SYD-imut oqaatigaa politiit innuttaasumit saaffigineqarnermik kingorna arnaq ujaarineqartoq nassaarisinnaasimagaat.
- Arnaq ilisarisimasaminut pulaarsimavoq tassanilu unnuisimalluni, taamaammat qujanartumik ajunngitsoq nassaarineqarpoq, politiit TV SYD-imut taama oqarput.
Arnaq annertunngitsumik puigortunngorsimasutut oqaatigineqarpoq, politiillu pigaartuisa ittuata oqaatigaa, siornatigut periarfeerunneqarsimasoq, taamanilu nassaarineqarami qaajungaatsiarsimasoq.
