Arnaq pinngitsaaleriaraluarneqarlunilu toqoriarneqarpoq
Arnaq 30-t sinnilaarlugit ukiulik, Alluitsup Paaneersoq, sapaatip akunnerup siuliani pinngitsaaleriaraluarneqarlunilu toqoriarneqarpoq. Angutit marluk aappaa 30-t tungaanut ukiulik aappaalu 30-t qeqqanni ukiulik, Nanortalimmi politiinit sapaatip-akunnerini sisamani tigummigallarneqarput.
Allattoq Mads Lynge
maajip 25-at 2009 13:48
Angutit taakku marluk arnarlu immiaarartoqatigiissimapput angutillu aappaata arnaq innaqatigerusussimavaa. Pinaasermallu angutit marluullutik arnaq persuttalersimavaat tummeqqakkullu nakkakattartillugu.
Illup silataani niaquatigut qalipaammik kuerarsimavaat qarnganut aamma siutaanut isaatillugu. Saneqquttut aatsaat inertermatik unissimapput. Sermitsiap nittartagaani tamanna atuarneqarsinnaavoq.
Pinngitsaaleeriaraluarneq toqutseriaraluarnerlu pingasunngormat pivoq, politiilli Nanortalimmiit tikimmata sisamanngormat ualikkut angutit aatsaat tigusarineqarsinnaasimapput. Pinerluttoqarnerata nalaani kommunefogedit nunaqarfimmiissimanngillat.
