Nuummi ikuallattoqarnera Arnaq pasineqartoq suli tigummigallarneqartoq

Nuup ilaani Qinngorpumi inissiap qaammatip ataatsip matuma siorna ikuallanneranut suliamut atatillugu arnap tigummigallarneqarnera sivitsorneqarpoq. Politiini unnerluussisussaatitaasut taama ilisimatitsipput.
Assi © : KNR
januaarip 29-at 2018 11:45
Nutserisoq Simon Uldum -

Nuup ilaani Qinngorpumi inissiap ikuallanneranut suliamut atatillugu arnap tigummigallarneqarnera sivitsorneqarpoq. Politiini unnerluussisussaatitaasut taama ilisimatitsipput.

Inissiaq decembarip 29-ani ikuallappoq inigineqarsinnaajunnaarluni. Inissiamik piginnittoq, arnaq, kingorna politiinit tigusarineqarpoq inissiamik ikuallatsitsisoqarsimasinnaanera pasitsaanneqarmat.

Arnaq ulluni 26-ni tigummigallagassanngortinneqarpoq. Eqqartuussisoqarfik Sermersuumi januaarip 25-ani sassarteqqinneqarpoq, tassanilu aalajangerneqarpoq tigummigallarneqarnera ullunik 28-nik sivitsorneqassasoq, politiini unnerluussisussaatitaasuneersoq Robert Rafn taama ilisimatitsivoq.

Unnerluussummik suli allagaqartoqanngilaq, suliaq politiinit suli misissuiffigineqarmat.

AAMMA ATUARUK Nuummi ikuallannermut atatillugu arnaq tigummigallarneqartoq

AAMMA ATUARUK Politiit ikuallattoqarneranut atatillugu tigusarisaqartut