Arnaq Nuummi sulluliarsuarmi pinngitsaalineqarluni arneriffigineqartoq

Nuummi Politiit ullaaq nal. 08.26 nalunaarfigineqarput, arnaq Nuummi Industrivejip eqqaani sulluliarsuakkoortilluni pinngitsaalineqarluni arneriffigineqarsimasoq.
Allattoq Simon Uldum -
maajip 28-at 2013 13:32

Arnaq Iggiaata tungaanut sulluliarsuakkoortilluni angutit marluk naapissimavai. Angutit taakku marluk arnaq tigusinnarlugu sulluliarsuup iluatungaani innaallagissaqarfiup tunuani toqqorlutik pinngitsaalillugu arneriffigaat.

Politiit sulluliarsuaq ullaap tungaani asserlugu uppernarsaatissanik ujaasiffigaat.

Nuummi Politiit ullaaq pinngitsaaliisoqarneranut atatillugu innuttaasut ikiortiseraat.

Politiit piffissami 06.15-imit 06.45-mut sulluliarsuup eqqaaniissimasut pasinartunillu takunnissimasinnaasut attavigerusuppaat, Nuup Politiivini piareersimasuusoq, Pavia Kleist oqarpoq.

Angutip aappaa qernertumik jakkeqarpoq, naatsunik qernertunik umeqarluni 175 cm-illu miss. angissuseqarluni.

Nuummi Politiit oqarasuaatikkut 32 14 48-mut attavigineqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq