VIDEO Arnaq maligassiuisoq kulturikkut nersornaaserneqarpoq
Maren-Louise Poulsen Kistensenip namminersortutut suliffeqarfiutaaniit Igloo Magazinimiit atuagassiat, Anu Una, aamma Una Business saniatigullu Timiuna saqqummersinneqartarput, tamannalu ilaatigut pillugu nersorniarneqarpoq.
- Arnaq taanna maligassiuisuuvoq taavalu aamma pikkorissuulluni allanut inunnut takutitsilluartuulluni.
Aamma atuaruk Tusagassiortutsialattut toqqarneqartoq: Maren-Louise Poulsen
- Isumaqarpunga takutitsisuusoq piumassuseq nukiusoq, piumagaanni saqqummersitsisoqarsinnaasoq, suliaqartoqarsinnaasoq ingerlatsitsisoqarlunilu, Helena Jensen siulittaasoq aningaasaateqarfik juullip nipitittagaa oqarpoq.
Aamma atuaruk KNR Aallakaatitat nutaat Tallimanngorneq Unnuppaat Man
Aaqqissuusisutut tusagassiortutullu sulinermini saniatigut KNR-TV-kkut Tallimanngorneq Unnuppaat Man-imi saqqummiisartuuvoq, ullormullu ilaatigut 12-tiimit sulisarpoq.
- Nuan, ilaannikkut tiguartinnartaqaaq tunniusimavallaalaartarpunga immaqa ilaannikkut Maren Louise Poulsen Kristensen oqarpoq.
Aamma atuaruk KNR ”Tallimanngorneq Unnuppaat Man” aallarteqqilerpoq
Nersornaasigaaninilu assut tupaallaatigaa.
- Tupannaq, naatsorsuutiginikuunngisaannarakku tamaatut pineqarnissara. Tuppallernarpoq soorunami aamma nukittuallannarpoq, Maren Louise Poulsen Kristensen oqarpoq.