Arnaq 61-inik ukiulik aportinnermi kingorna suli ilisimanngilaq
Arnaq 61-inik ukiulik Nuummi tallimanngormat unnukkut biilinik aportinnermi kingorna inuunera navianartorsiorpoq. Ajutoorneq pivoq Nuummi aqqusinermi H. J. Rinksvejemi niivertarfiup Nukøbip silataani. Arnaq aportittoq maannakkut ilisimanngilaq, politiillu killisiusinnaanngillat, aporsinermi pisut pillugit.
oktobarip 29-at 2007 10:49
Aporsisoq politiinit ilisimaneqarpoq, politiillu oqarnerat malillugu arnaq aqqusinikkut ikaalernermini biilinik sanioqqquttoqalernersoq paasiniarlugu qinersimanngilaq, aporsisorlu apuinngitsoorsinnaasimanngilaq.
Politiit aporsinermut tunngasunik suli paasiniaapput, ajutoornermilu kina pisuunersoq maannakkut oqaatigineqarsinnaanngilaq, aportittoq killisiorneqarsinnaanngimmat, Nuummi politeeqarfimmi pisortaq, Johan Davidsen, Radioaviisimut oqarpoq.
Sinerissami illoqarfinni eqqissisimasoqarsimasoq, politeeqarfinni tusarniaanitsinni paasivarput, tillinniat angerlarsimaffinnilu eqqissiviilliornerit eqqarsaatigissanngikkaanni.
