Arnaq 48-inik ukiulik killeqanngitsumik pineqaatissinneqarpoq

Arnap taassuma Nuussuarmi Qaarsuannguani inissiaq 2007-imi piaaraluni ikuallatsippaa. Tigusarineqarnermi kingorna Nuummi tarnimikut nappaateqartut uninngavigisartagaannut A1-imut inissinneqarpoq, tassaniinnerminilu sulisunut saassussisarnera pissutigalugu tarnimikkut nappaateqartut inissiisarfiannut Risskovimiittumut nuunneqarpoq, mannalu tikillugu tassaniilluni.

Nuup eqqartuussiviani tallimanngormat eqqartuussisoqarnerani arnap 48-nik ukiullip killiligaanngitsumik tarnimikkut nappaateqartut inissiisarfianni Risskovimiittumi inissinneqarnissaa pineqaatissiissutigineqarpoq, politimesterip tullia Morten Nielsen oqarpoq.

Nuup eqqartuussiviani aalajangerneq Kalaallit Nunaata eqqartuussivianut Landsrettemut ingerlateqinneqarnissaanut periarfissaqartoq, politimesterip tullia Morten Nielsen nalunaarpoq.