Arnaq 32-nik ukiulik savimmik kapisisoq politiinit iperagaavoq
Arnaq savimmik kapisisoq eqqartuussivimmmut sassartinneqassaaq.
Nuup ilaani Nuussuarmi tallimanngornermi unnukkut savimmik kapsisoqarsimanera pillugu politiit nalunaarfigineqarput.
Allattoq Jaaku Lyberth, Ann-Sophie Greve Møller
februaarip 05-at 2023 12:24
Arnaq 32-nik ukiulik angummik 50-it missaannik ukiulimmik savimmik kapisisimanini pillugu tallimangornermi unnukkut tigusarineqartoq, politiinit iperagaasoq, Kalaallit Nunaanni politiit taama paasissutissiipput.
Savimmik kapisineq nakuusersimasutut suliassanngortinneqassaaq.
Angut 50-it missaannik ukioqartoq tallimanngornermi unnukkut niaqqumigut kapineqarpoq.
Kalaallit Nunaanni politiini pigaaartut pisortaat Preben Kleist KNR-imut oqarpoq, angut savimmik kapineqartoq inuunerminik ulorianartorsiunngitsoq.
