Politiit: Arnaq 110 kilometerinik isorartutigisumik arpartoqarnerani periarfeerunneqartoq
110 kilometerinik isorartutigisumik arpattoqarnerani arnaq 22-nik ukiulik ujaarineqalerpoq. Kingorna ajoqusersimasoq Dronning Ingridip napparsimmaviliaanneqarluni nakkutigilluarneqarpoq.
ASS © : KNR
Allattoq Brian Jensen
juulip 06-at 2026 07:52
Nuummiit Kapisilinnut arpannermik (Nuukkapimik taaguuserlugu) sapaatit akunnerata siuliata naanerani sammisaqartitsisoqarpoq.
Arpattoqarnerani arnaq 22-nik ukiulik arpattut allat apuutereersut, ullumikkut sapaatip unnuaani apuussimanngitsoq, politiit sillimasuata Thomas Jeppesennip oqaluttuaraa.
Arpaffiusoq 110 kilometerinik isorartussuseqartoq, Visit Greenlandip nittartagaani atuarneqarsinnaavoq.
Arpattut allat apuutereersut inuk ataaseq amigaataasoq, aaqqissuisunit politiinut nalunaarutiginnittoqarsimasoq, sillimasut pisortaat oqarpoq.
- Inuk ataaseq amigaataasoq nalunaaqutaq 00:52 nalunaarutigineqarpoq. Aaqqissuisut politiit Issittumilu sakkutooqarfimmeersut ujaasinerminni arnaq 22-nik ukiulik apuuffissamut 3 kimometerinik tiffasitsigisumiitsilluni ajoqusersimasoq nanineqarpoq, Thomas Jeppesen oqarpoq.
Arnaq 22-nik ukiulik sumiiffimmik upalungaarsimasunut nalunaarsuummik GPS-italimmik nassataqarsimavoq, ajoquseramilu taanna ikissimagaa, taamaasillunilu nanineqarsinnaasimasoq, sillimasut pisortaata ilanngullugu oqaluttuaraa.
Kingorna Artic Komanndo suleqatiginerisigut arnaq qulimiguulimmik Dronning Ingridip napparsimmavianukaanneqarsimavoq, tassanilu nakkutigilluarneqartoq sillimasut pisortaata ilanngullugu oqaatigaa.
Sapaatip akunnerata naalernerani perulluliortut amerlanersaat imigassartorsimatilluni pisimasut, sillimasup pisortaata oqaaseqarneruffigerusunngilai.
