Arnap savimmik kapisinini eqqaamanngilaa
Arnap 48-nik ukiullip ataasinngormat erngutsillutik angut 48-nik ukiulik tunuatigut savimmik kapisimagaa politiinit pasineqarpoq, pisorli pillugu arnaq eqqaamasaqannginnami nassuerusunngilaq.
- Arnaq aalakoorpallaarluni silaqannginnami pisumik eqqaamasaqanngilaq, kapisisimasutullu nassuerumanani, Illoqqortoormiuni politeeqarfimmi pisortaq Olav Nielsen oqarpoq.
Arnaq 48-nik ukiulik killisiorneqareerluni sapaatip akunneri sisamani ippassaq tigummigallagassanngortinneqarpoq, Illoqqortoormiunilu isertitsiveqanngimmat Nuummut nuutsinneqarumaartoq, Illoqqortoormiuni politiit pisortaat Olav Nielsen oqarpoq.
Angut 48-nik ukiulik savimmik kapineqarnermini puamminik qaartoorpoq, perulukkaluarluni inuunera navianartorsiunngitsoq, Olav Nielsen oqarpoq.