Arnap kalaallip inaa angutaatikuata ikuallatsippaa
Arnaq kalaaleq Esbjergimi najugalik ippassaq unnukkut angerlarami nuanniitsumik tupaallatsinneqarpoq. Arnaq angutaatikunilu qallunaajusoq assortuussimariarlutik kingorna angutaatikuata inaa ikuallatsissimavaa, tasama Jydske Vestkysten nittartakamini allaaserisaqarpoq.
Allattoq Louise M. Kleemann
Pisup nalaani arnaq angerlasimanngilaq, angutaatikuali matuersaateqarsimariarami inaanut iseriarluni inaa kukussimavaa.
Angut 42-nik ukiulik Esbjergimeersoq aalakoorsimavoq, politiillu ikuallattumut takunnerisa kinguninngua tigusarisimavaat, isertitsivimmilu unnuisikkiartorneqarluni. Angut ullumi pisoq pillugu tusarniaaffigineqassaaq.
Najugaqarfimmi ikuallatsinneqartumi ineqarfiit arfiniliupput, najugaqartullu tamarmik qimagussortinneqartariaqarsimapput, amerlanerilli akunnialuit qaangiummata angerlaqqissinnaasimapput.