Arnap 23-inik ukiullip tigummigallarneqarnera sivitsorpaat
Arnap 23-nik ukiullip tigummigallarneqarnera sapaatip akunnerini sisamani sivisussuseqartussatut eqqartuussivimmit aalajangerneqarnikuusoq februaarip 20-ata tungaanut sivitsorneqarpoq.
- Kriminaltekniske centerimiit inuup sananeqaataanut tunngasunik misissuinerit sivisusinnaasumik ingerlanneqartarput, paasissutissallu pisariaqartitagut suli pissarsiarinngilagut, Nanortalimmi politeeqarfimmi pisortaagallartoq, Niels Tønnesen oqarpoq.
Paasissutissat tamakkiisut pigineqaleriarpata arnamut 23-nik ukiulimmut eqqartuussineq aallartinneqassaaq.
Arnap 23-nik ukioqartup ukiuni amerlasuuni ataatassaminit kinguaassiutitigut atornerlugaasimanini pissutigalugu ataatassanilu oqqassimapput. Oqqannerullu kingunerisaanik arnap 23-nik ukiullip ataatassani 48-inik ukioqartoq savimmik tunuatigut arlaleriarlugu kapisimallugu, politiinut nassuiaatigisimavaa.