Arnanut kalaallinut nunasisunullu atuagassiaq saqqummertalissaaq
Arnanut atuagassiaq nutaaq taaguuteqarpoq Ethniqa Magazine, tassanilu arnat Danmarkimut nunasisut ilaatigut atuarsinnaassavaat, qanoq iliorlutik nutsatik ilingasut passutassanerlugit kiinnatillu taartut qanoq tanittassanerlugit. Aviisi pinnersarnermut tunngasuinnarnik imaqartassanngilaq, aaqqissuisoq Ayan Mouhoumed oqarpoq.
Aviisimi arnat allamiunit kingoqqisut ullumikkut qallunaat tusagassiuutaasa saqqummiussisarnerannit assigiinngisitaarnerusumik takutinniarneqassapput. Arnap allamiunit kingoqqisup imaluunniit qaffasinnerusumik ilinniagaqartup sunillu suliaqarnera ulluinnarni nalinginnaasuunngilaq.
Arnat qallunaat 25-t aviisimut allagaqarput taakkualu uummammiutik allaaseralugit, aaqqissuisoq isumaqarpoq. Sammisassarpassuaqarput kulturiminnik inuiaqatigiinnik politikkimillu atukkaminnik soqutigisaqarput. Arnat allaaserisaqartut allannguuteqartitsinissartik neriuutigaat. Pingaarnerpaavoq arnat allamiunit kingoqqisut Danmarkimi tamaneersut tusagassiuutitigut isumamminnik siaruarteriffeqarnissaat, imminnut oqaluttumik, taama aviisimut nutaamut Ethniqamut aaqqissuisoq Ayan Mouhoumed oqarpoq.
Arnanut aviisi nutaaq pillugu nutaarsiassaq Kalaallit Nunaannit arnanut atuagassiatuami Arnanut-mi nuannaarutigineqarpoq. Ethniqa qanga Arnanut-mi aallartinniarnitsitulli soorlu pissuteqartoq, aaqqissuisoq Hanne Broberg oqarpoq. Kalaallit arnat qallunaat arnanut aviisiiniittuninngarnit aamma allaanerusunik oqaluttuassaqartarput. Soorlu Ethniqa attavigisariaqaraluaripput kalaallillu arnat oqaluttuaannik neqeroorfigalugu, Hanne Broberg oqarpoq.
Taassuma aamma erseqqissarpaa aviisi Arnanut arnanut Kalaallit Nunaanni najugalinnut tamanut tunngasuummat, qallunaanut kalaallinullu. Aviisi, Sermitsiamit saqqummersinneqartartoq 4.000-inngorlugu naqinneqartarpoq ukiumullu sisamariarluni saqqummersarluni.