Arktisk Råd alliartorpoq

Assortuussutaasariaqanngitsumik Arktisk Rådimut nunat issittup imartaanut sineriallit arfineq-pingasuusut ilaasortaasussaapput. Maannakkulli eqqartorneqarpoq nunat qassit sorliillu Arktisk Rådimi alaatsinaattutut inissimasassanersut. Arlallimmi alaatsinaattutut peqataasarniarlutik nalunaaruteqartalersimapput. Silap allanngoriartornerata ilaatigut tamanna kinguneraa, tassa nunat arlallit issittup imartaanut alaatsinaakkusunnerulermata. – Kinamiut imaluunniit Koreamiut soorunalimi aamma soqutiginnipput, issittup imartaa angallavigineqarsinnaanngorpat periarfissarititai soqutigigamikkit, nunanut allanut pisortaqarfimmi pisortaq Inuuteq Holm Olsen oqarpoq. Taamaattumik massakkut atorfilittat akornganni eqqartorneqarnerarpaa kikkut qassillu alaatsinaattuussanersut. Siunnersuisoqatigiinnimi alaatsinaattut ima amerlatigilersinnaanngillat allaat issittup nunaani arlaanni ataatsimiittoqarsinnaajunnaarluni, oqarpoq.

Nunarput ICClu Issittumi Siunnersuisoqatigiinni ataatsimeeqataasarput. Nunani issittumiittuni atorfilittat ullumi aqagulu Ilulissani ataatsimiipput. Taava politikerit aalajangiisuusussat ukiup tulliani Nuummi ataatsimiittussaassapput.