Arktisk Institut pisortaanertaarpoq
Eskimologi 50-inik ukiulik, Bent Nielsen, Arktisk Institutimi pisortaaninngorpoq. Bent Nielsenip taarserpaa Leif Vanggaard, ukiuni aqqaneq-marlunni pisortaaneroreerluni maanna soraarninngortoq.
Bent Nielsen ilisimatusarnermut tunngasunut Københavnip Universitetiani Eskimologimut Issittumullu immikkoortortaqarfimmi atorfeqaraluarpoq.
Universitetimi sulinermi nalaani Ruslandip avannamut kangisissuani Tjukotkamut ilisimasassarsiorlutik angalasunut tallimariarluni angalaqataasarnermigut aaqqissueqataasrnermigullu issittumi pissutsinik ilikkagaqarsimaqaaq.
Bent Nielsen Det Grønlandske Selskabimi siulersuisunut aamma ilaasortaavoq.
Arktisk Institut suliffeqarfiuvoq imminut ingerlatittoq, 1954-imi pilersinneqarpoq, siunertaavorlu danskit Kalaallit Nunaannut allanulluunniit issittunut ilisimasassarsiortut oqaluttuassartaanik katersisassasoq, paasissutissanillu tunisisassalluni.
Arktisk Institutimi toqqorsivinni assit Kalaallit Nunaanneersut nunanillu allanit issittuneersut 100.000-init amerlanerit nassaassaapput, taakkulu Arktisk Institutip nittartagaani arktiskinstitut naggat dk-mi takuneqarsinnaapput.
