Arkalo Abelsen ilisimatitsisimannginnini nassueritigaa
Arkalo Abelsen isumaqarpoq, imminerminut tatiginninnginnermik oqarnissamut tunngavissaqavinngitsoq, aviisimi sermitsiami apersorneqarluni ilaatigut taamatut oqarpoq.
Meeqqat inuusuttullu pillugit Ilisimasaqarfik MIPI aamma Utoqqaat illuini utoqqaallu najugarfiini nakorsaatinik tunniussisarnerit pillugit paasissutissanik pingaarutilinnik Inatsisartunut saqqummiussisimanngitsutut aammalu Dronning Ingrip napparsimavissuani pissutsit ilungersunarluinnartut pillugit Peqqissutsimut atatsimiitsitaliap allakkatigut saaffiginnissutaanut akinaveersaarsimasutut isornartorsiorneqarpoq.
Arkalo Abelsen assersuutigalugu oqaatigaa, nammineq utoqqaat nakorsaasersorneqartarnerat pilugu inatsisissatut siunnersuummut atatillugu pissutsit pillugit misissuitsilluni aallartissimalluni. Peqatigitilluguli nassuerutigaa misissuinerup inernera pillugu nassuiaatinik nutaanik takkuttoqartussaasoq partiit tamaasa ataatsimiitsitaliarlu ilisimatissimasussaagaluarlugit.
Peqqissutsimut Ilaqutariissutsimullu Naalakkersuisoqarfik Inuussutissarsiornermut Naalakkersuisumit Siverth K Heilmann-imit akisussaaffigineqalissapput.
