Arkalo Abelsen: CO2-mik aniatitsneq nunatsinni annikillisarneqassaaq
Ukioq 2012-iutinnagu 8 procentimik annikillisarneqarsimassasoq avatangiisinut naalakkersuisup oqaatigaa.
Allattoq Mads Lynge
novembarip 11-at 2007 17:23
Sila pissusaa pillugu EU Portugalimi ataatsimiisitseeqammerpoq, avataangiisinullu naalakkersuisoq Arkalo Abelsen Kalaallit Nunaat sinnerlugu peqataavoq.
Silap pissusiata allanngoriartorneranut tunngatillugu Kalaallit Nunaat politikkeqalernissaa maanna sulissutigineqartoq Arkalo Abelsenip oqaatigaa:
- CO2-mik aniatitsinerup ukioq 2012-iutinnagu 8 procentimik annikillisinneqarnissaa siunniunneqarpoq, avatangiisinut naalakkersuisoq oqarpoq, Nunatsinnilu siunniuneqartut ilaatigut pingaarnersiuiffigialugit:
- Erngup nukinga atorlugu nukissiorfiit atorneqarnerulernissaat takorloorparput, nunattalu aatsitassarsiorfiusinnaanissaa uuliasiorfiusinnaanissaalu nunani allani nittarsaassutigineqassasoq kissaatigaarput, Arkalo Abelsen oqarpoq.
