Arfiviit nalunaarusiarineqassapput

- Matuma ammasumik isumaginissaa kissaatigigatsigu qularutigineqassanngilaq, sunillu isertuussinianngitsugut kissaatigigipput. Naalakkersuisoqarfimmi pisortaq Jens K. Lyberth oqarpoq.

Mattaap neqillu qanoq atsigisup asuliinnartinneqarsimanera oqaatiginianngilaa.

- Kisitsisit tamarmiusut saqqummiunnissaat kissaatigaarput, taakkulu kunneqannginnissaat qularnaaqqissaassagipput. Misigissutsit amerlasoorpassuupput, peqqissaartumillu isumaginnikkumavugut, Jens K. Lyberth Atuagagdliutinut oqarpoq, nangillunilu.

- Qanorluunniit pisoqaraluarpat Arfanniarneq pillugu Ataatsimiititaliarsuarmut IWC-mut uppernarsaatissanik nassiussaqassaagut, asuliinnartitat qanoq annertutiginersut ilanngullugu. Aappaagu arfivinnik pisaqarnissaq pillugu tuaviortumik paasiniaassaagut, oqarpoq.

Pisortap oqaatigaattaaq arfivinnik piniartarneq nutaajummat ilinniarneqartaqariaqartoq.

- Kukkunerit pisut ilinniutigissavavut. Ukioq manna arfiviit marluk pisarineqarneranni asuliinnartitsineq "aallartinnermi kukkunertut" isigaara, Jens K. Lyberth oqarpoq.

- Arfiviit ukiormanna pisarineqartut pingajuanni kukkunerit taakku pinngitsoortinneqarput, pisortaq naggasiivoq.