Arfiviit amerliartorput
Allattoq Mads Lynge
marsip 19-at 2007 05:31
Arfiviit amerliartupiloorsimapput. Nunatta kitaata sineriaani timmisartuminngaanniit siorna kisitsinerit takutippaat arfiviit nunatta imartaani ukiisut amerliartupiloorsimasut.
Qilalukkat qaqortat amerliallalaarsimasut kisitsinerit aamma takutippaat, qilalukkallu qernertat amerlassutsimikkut allanngoriarsimanngitsut aamma maluginiarneqarsimalluni.
Kisitsisit ilisimatuunut nunanit tamalaaneersunut maanna saqqummiunneqassapput, pisassiissutissanullu atorneqarsinnaassanersut aamma paasiniarneqassalluni.
Arferit nunatta imartaani ukiisartut Pinngortitaleriffimmersunit siorna marsimi apriilimilu kisinneqarsimapput.
Kisitsinerit Maniitsumiit Upernaviup tungaanut ingerlanneqarput, kisitsisullu sisamat timmisartumit kisitsipput.
