Arfineq-marlunnik ukiulik Islandimukaattariaqarsimavoq

Niviarsiaraq arfineq-marlunnik ukiulik ippassaq aallartoorfigitinnermi kingorna Tasiilamiit Islandimi Reykjavikimi napparsimmaviliaanneqartariaqarsimavoq. Niviarsiaqqat angummi aallaasaa pinnguaralugu aallartoorfigineqarsimassangatinneqarpoq. Inuunera maanna ulorianartorsiorunnaartoq Islandimi Radiomit TV-millu ilisimatitsissutigineqarpoq.
Allattoq Carla Davidsen
juulip 03-at 2011 16:00

Niviarsiaraq arfineq-marlunnik ukiulik ippassaq aallartoorfigitinnermi kingorna Tasiilamiit Islandimi Reykjavikimi napparsimmaviliaanneqartariaqarsimavoq. Inuunera maanna ulorianartorsiorunnaartoq Islandimi Radiomit TV-millu ilisimatitsissutigineqarpoq.

Kalerrisaarut ippassaq ualikkut pingasut-qeqqata missaani aallartippoq, ilimagineqarporlu niviarsiaqqap angummi aallaasaa pinnguarisimagaa. Niviarsiaraq ingerlaannaq Tasiilami napparsimmaviliaanneqarpoq.

Islandimiut timmisartuutaannik, nakorsamik ilaasulimmik, Akureyrimiit aggertitsisoqarpoq. Nakorsaq qulimiguulimmik Kulusummiit Tasiilaliaanneqarpoq. Niviarsiaraq passunneqarallariarluni nakorsaq ilaaqatigalugu Reykjavikiliaanneqarpoq, unnukkullu qulingiluat missaanni suliarineqappallalluni.

Islandimi Radiomit TV-millu tusarliussat naapertorlugit niviarsiaraq maanna ajunngilaq, peruluttullu inaanniit meeqqat inaannut aqagu nuunneqarsinnaassagunarluni.