Arferujussuaq itsarnisaq nassaarineqarpoq
Arferujussuaq meterinik 17-inik takissusilik kiguterujussualillu franskinit ilisimatuunit nassaarineqartoq, aviisimi Politikenimi allaaserineqarpoq.
Ilisimatuut oqarnerat naapertorlugu uumasorujussuaq itsarsuarnisaq kigutilissuarmut assingusinnaavoq, taannami aamma kiguteqarpoq. Assingunerali tassunga killeqarpoq.
Kigutilissuit uumasuupput eqqissisimasut, taakkulu amikunik nerisaqarnerupput. Arferujussuulli uuma nassaarineqartup kigutai ima angitigaat, arferit minnerit eqalussuillu imaaliallaannarluni mikkassinnaasimassallugit.
- Immap uumasorujussuanut assingusumik nassaarpugut, uumassusilerinermut Katersugaasivissuarmi Parisimi pisortaq, Christian de Muizon, oqarpoq.
Arferujussuit taakku toqorarlutik sooq nungussimanersut ilisimatuut naluaat, eqqoriarpaalli pinngortitap allanngornera pissutaasimassasoq.
