Arferit toqussutaat paasiniarneqassaaq
Attup eqqaani Nassuttuup Paavani arferit toqungasut nassaarineqartut suna toqussutigisimaneraat paasiniarneqartussanngorpoq.
Allattoq Salome Hansen
Nassaarfiusup eqqaani arfernut akornutaasinnaasunik suliaqartoqarsimanersoq Aalisarnermut Pinarnermut Nunalerinermullu Pisortaqarfimmit paasiniarneqaleruttorpoq.
Arferit nassaarineqarnerminni tippareersimasut aamma piniartunit maluginiarneqarpoq.
- Pinngortitaleriffik attaveqarfigaarput, tassalu arferit nassaarineqartut ulorianartorsiutaanngitsumik tikinneqarsinnaagunik misissuiffigineqarumaarput, piniarnermi immikkoortortaqarfimmi allaffimmi pisortaq Amalie Jessen oqarpoq.
Arferit nassaarineqartut kigutilissuartaqarput, taakkulu eqqissisimatitaalluinnartuupput.