Arctic Winter Games pisortatigoortumik unnugu ammaneqassaaq

Timersortartut 2000-nit amerlanerit issittumi nunanit assigiinngitsunit qulingiluaneersut Canadami Northwest Territoriami Yellowknife-mi katersuutereerput.

Issittumi nunallit taamatut unammiuaaqatiinnissaat 20-ssaa ingerlanneqalerpoq, timersortartullu Yellowknife-mi sisamassaa unammiuaalerput.

Peqataasut isiginnaariallu unnugu ammaanersiornermi qilaasersorluni qinoqatigiinnermik, peqataasullu inuiattut erinarsuutaat atorlugit tikilluaqquneqassapput. Arctic Winter Games erinarsuummik aamma ilisarnaatitaarnikuuvoq, tassa Chris Jonah-ip Dave Hysertillu taalliaat, Right Here, Right Now, immaqa ima kalaallisuunngortissinnaavarput, Maanerpiaq, massakkorpiaq.

Tikilluaqqusilluni oqalugiartoqareerpat issittumi nunallit unammiuaarneranni ukiuni siuliini peqataasarsimasut naneruarfilisarlutik, imaluunniit ikumatitalisarlutik, isaassapput, unammiuaarnerillu ingerlanneqarneranni ikumatitaq ikumasussaq ikissallugu.