Arctic Team Challengemut inniminniisorpassuit

Tunumi ukiumoortumik immakkut nunakkullu sukkaniunnermi, Arctic Team Challengemut, timersuutit sakkortunersaannik aamma taaneqartartumut, aappaagu 2007-imi unammersuarnissamut, peqataaniarlutik nalunaartut ingerlalluaqaat.

Nalunaarsinnaaneq ullut qulit matuma siorna aallartippoq, inissallu 15-it tamarmik inniminnerneqareerput, holdit pingasut manna tikillugu aamma utaqqisunut allatsereerput, Anders Stenbakken, Destination East Greenlandimeersoq, oqaluttuarpoq.

Nunat holdikkaartunik peqataatitaqarusuttut aamma amerleriarput, Norge Hollandilu pernarlutik peqataatitaqarniarput, peqataatitaqartussat allat tassaallutik USA, Island, Danmark, Frankrig aamma Sydafrika.

Holdit pingasut Kalaallit Nunaanniit peqataassapput – holdi ataaseq politiinit, ataaseq Maniitsumiit soorunalumi Tasiilamiit peqataasoqassalluni.

Unammersuarnissamut TV-mit assiliisunik aaqqissuisut pisarnertut pissarsiorput. Aaqqissuisut ilimagaat, EU-p avatangiisit pillugit suleqatigiiffia, holdinik pingasunik nammineq peqataatitaqartussaq, 2007-imi suleqatigineqassasoq.

Arctic Team Challenge 2007-imi juulip ulluisa 19-ianniit juulip ulluisa 28-ata tungaanut ingerlanneqassaaq.