Arctic Team Challenge Tunumi filmiliussaaq
Arctic Team Challenge-p Tunumi filmiliassaani,
”Our Arctic Challenge-mi, kalaaleq filmiliamik ilitsersuisartoq, Qivioq Kern Kreutmann, Europamilu Avatangiisit pillugit sullissivimmi pisortaaneq, Jacqueline McGlade, pingaarnertut inuttaassaapput.Filmi TV-kkut isiginnaagassiaasussaaq minutsinik 40-nik sivisussuseqassaaq, Nunanut Issittunut ukiorititanut atatillugu suliaalluni.
Kalaallit Nunaanni silaannaap allanngoriartornera filmimi sammineqarpoq, timersuullu sakkortooq ukiut tamaasa ingerlanneqartartoq, Arctic Team Challenge, filmimi sammineqassaaq, Qivioq Kern Kreutmann Jacqueline McGladellu pingaarnertut inuttaatinneqarnerisigut neriuutigineqarluni, pineqartoq pitsaasumik paasissutissiissasoq, filmi Ammassalimmi pisimasuutinneqassaaq.
Silaannaap kissatsikiartornera pillugu ilisimatusarnermut Jacqueline McGlade ilisimasalittut inuttaatinneqassaaq, Qivioq Kern Kreutzmannilu Kalaallit Nunaanni silaannaap kissatsikkiartornerata kingunerisai pillugit paasisimasalittut inuttaatinneqassalluni.
Arnat taakku marluk, takoqqaarlugit assigiinngitsorujussuit, assigiimmik isiginnittaaseqarlutillu isumaqartut filmip ingerlanerani paasinarsissaaq. Silaannaap kissatsikkiartorneranut tamarmik immikkut misigisaqarsimapput, marluullutillu tamanna filmimi paasinarsassavaat.
