Arctic Prime Fisheries Kuummiuni ammassaaq
Arctic Prime Fisheriesip Kuummiuni aalisakkanut tunitsivittaani siunissami qanittumi ammassagaa, suliffeqarfimmi pisortaq Kim Høegh Dam ilisimatitsivoq. Kisianni tunisassiornissamut pissutsit aaqqittariaqartut aaqqereerpata Kim Høegh Dam oqarpoq:
- Siullermik utaqqikatannerat tupiginngilluinnaqqissaariga oqaatigissavara. Kisianni sikorsuit aatsaat qanittumi akullarnissaat ilimanarpoq, kisianni taanna kisimi pissutaanngilaq. Aaqqiissutissamik ujartuivugut. Tasiilap Kommunea taavalu Namminersornerullutik Oqartussat tunisassiornissaq pillugu oqaloqatigisariaqassavagut.
- Kuummiuni tunisassiassaqartariaqarput. Ukiuni qulini kingullerni tunisassiarineqarsimasut annikippallaarput, tapiissutitaqanngitsumik ingerlatsiniassagaanni. Uagullu tapiissutitaqanngitsumik ingerlarusukkatta qinnuteqarniannginnattalu periarfissatsinnik ujartuiinnarpugut, tassanilu Tasiilap Kommunea Namminersornerullutillu Oqartussat peqatiseraagut.
Tunumi aalisagaqarluarpoq aalisagartalli tamarmik avammut tunisassiarineqartarlutik. Kim Høegh Dam:
- Uagut isumaqarpugut aalisakkat taakku ilaat Kuummiut fabrikkiannut tulaassorneqalerunik, Kuummiuni suliffissaqartitsiniarnermut taamatuttaarlu Tasiilap Kommuneani suliffissaqartitsiniarnermut ikorfartuutaalluarsinnaasut.
Kim Høegh Dam oqarpoq Arctic Prime Fisheriesimi siulersuisut sapaatip akunnerani tullermi, tamatumalu malitsigisaanik sapaatit akunneri marluk qaangiutsinnagit Kuummiuni tunitsivissap ammarsinnaanissaa neriuutigigini.
