Arctic Green Food Københavnimi pisiniarfiuteqalerpoq
KNI-p Københavnimi pisiniarfiutaa Strandgademiittoq Arctic Green Foodimit pisiarineqarmat, kalaallit Danmarkimiittut kalaaliminernik pisisarsinnaanissaat qulakkeerneqarpoq.
Allattoq Mads Lynge
decembarip 06-at 2007 14:11
Københavnimi kalallit nerisassaataannik pisiniarfik Strandgademiittoq, kalaallit nerisassaataannik nioqqutissiorfiup Arctic Green Foodip pisiaraa. Pisiniarfik matusussatut qaammat kingulleq KNI-mit nalunaarutigineqaraluartoq, ingerlaannartussanngorpoq.
Arctic Green Food KNI-ilu pisiniarfiup pisiarineqarnera pillugu ullumi atsioqatigiipput. Pisiniarfiup Strandgademiittup Arctic Green Foodimut tunineqarneranut tunngavilersuutigineqarpoq, KNI kalaaliminermik tunisassiorunnaarsimanera, taamaalillunilu tulluartinneqarluni pisiniarfiup Arctic Green Foodimit ingerlanneqalernisaa, taamaallutik kalaalit Danmarkimi najugaqartut 18.000-it kalaallinerminik pilersorneqarnissaat isumagineqalissalluni.
