Arctic Green Food-ip Maniitsumiittup siunissaa ullumi aalajangiiffigineqassaaq
Arctic Green Food-ip Maniitsumiittup siunissaa Greenland Venture-imi siulersuisut ullumi aalajangiiffigissavaat.
Tunitsiviit assigiinngitsut, Arctic Green Food-imit aqunneqarsimasut qanoq pineqassanersut aalajangiiffigineqartussaapput.
Tunitsiviit, Maniitsumi Arferup neqaannik tunisassiorfik Kangerlussuarmilu Umimmaat neqaannik tunisassiorfik Greenland Venture-imit siunissami aqunneqalissanersut paasinarsissaaq.
Greenland Venture KNI-lu Arctic Green Food-ip siunissaa pillugu maajip aallartilaarnerani isumaqatiginninniarput, pisortallu Jørgen Wæver Johansenip taamani erseqqissaatigaa Greenland Venture-imi siulersuisut tusarniaqqaartinnagit nutaarsiassaq tusarliunneqassanngitsoq.
Greenland Venture-ip siulersuisui Ilulissani Hotel Arcticimi ullumi ataatsimiissapput.