Arctic Circle Race piareersarfigaat

Nunanit allaniit Arctic Circle Race-imi peqataaniartut siorna peqataasunit amerlaninngoreerput.

Suli manna siusippallaarpoq oqaatigissallugu ukiormanna Arctic Circle Race-imi peqataaniartut qanoq amerlatigissanersut. Maannali paasinarsereerpoq nunanit assigiinngitsunit 14-init peqataaffigineqartumik unammersuarneq martsip 23-ianiit ingerlanneqassasoq.

- Siorna nunanit allaniit peqataasut 42-uupput. Maanna nunanit allaniit nalunaartut 55-nngoreerput, Arctic Circle Race-mi siulersuisut siulittaasuat Jens Klaus Lennert KNR-imut oqaluttuarpoq.

Nunatsinniit peqataasussat nalunaarfissamut killiliussaq qanillilluinnaraangat aatsaat takkussulersarput. Aaqqissuisulli ilimasumisaarput siorna peqataasunit 119-nit nunanit assigiinngitsunit 14-init amerlanerusunik ukiormanna peqataasoqarumaartoq.

Unammersuarnermullu ullut pingasut atorlugit 160 kilometerimut ilungersornertalimmut nunat peqataatitaqartartut marlunnik ilapput. Tassa Polen aamma Brasilien peqataasartunut ukiormanna ilanngummata.

Naak takuinnarlugu Sisimiut aputigippasikkaluartut suli apinerunissaa aaqqissuisut kissaatigaat.

- Sisimiut timaanni unammiffiusussami nunap ilaani aput suli saappallaarpoq. Aperujussuartaraluartoq ilaatigut tappavani aput allamut tiginneqartarami, Jens Klaus Lennert oqarpoq.

Nunat peqataatitaqarniartut ukiormanna tassapput: New Zealand, Tyskland, Danmark, Schweiz, Tjekkiet, Rusland, England, USA, Norge, Kalaallit Nunaat, Sverige, Østrig, Polen aamma Brasilien.

Siorna unammisoqarmat arnani Niviaq Chemnitz Berthelsen Nuummeersoq ajugaavoq angutini russeq Ilya Chernousov ajugaasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat