Arctic Circle Race akiitsuminik isumakkeerinniffigitittoq

Akiligassat ilai Arctic Circle Racep akilereersimagai Borgmester Hermann Berthelsen, radioavisiimut oqarpoq. Sinneruttut 326.847 koruunit kommunimit isumakkeerinnissutigineqarput.

- Taakku allaffissornikkut isumakkeerinnissutigineqarput. Kommunimi isumakkeerinnissutigisartakkatta iluaninngaaniit, Borgmester Hermann Berthelsen oqarpoq.

Arctic Circle Racep ingerlanneqarnerani kommunip qamussui tiimimut akisuallaarmata akikinnerusumik attartoqarneqarnissaat aalajangiunneqarpoq.

- Tiimimut 1.500 koruuneqarani 900 kroruuneqalissaaq, taamaalilluni Arctic Circle Racep ingerlanneqarneranut oqinnerulissasoq naatsorsuutigaarput, Hermann Berthelsen oqarpoq.

Akiitsunik isumakkeerinnittoqarsimanngitsuugaluarpat, akiligassat kommunimit malersorneqarsimassagaluarnerarpai. Taamaalilluniluni nammineq kajumissutsimik sulerusussuseq nakkarsarneqarsimassagalu-arnerarlugu aamma oqaatigaa.

Arctic Circle Race 2008 aprilip aallaqqaataaniit arfineq pingajuat ilanngullugu ingerlanneqassaaq.

Siorna peqataasut nunatsinnit nunanit allanillu katillu-git 120-it missaanniipput.