Aqutsiveqarfimmi Upernavimmi umiatsiaararsorluni qaleralinniarneq unitsinneqarpoq
Upernaviup eqqaani umiatsiaararsorluni qaleralittassat tamakkilersut Kalaallit Nunaanni Aalisarsinnaannermut Akuersissutinik Nakkutilliisoqarfiup nalunaarutigaa
Allattoq Simon Uldum -
Tamanna pissutigalugu aqutsiveqarfimmi Upernavimmi sinerissap qanittuani umiatsiaaraq atorlugu qaleralinniarneq pingasunngorpat 16. oktober 2013 unitsinneqassaaq, Upernavimmi umiatsiaaraq atorlugu qaleralinniarnermi pisassat tamakkerneqalermata.
Ulloq 16. oktober 2013 taamatut aamma umiatsiaaqqanut tunitsiviussaaq kingulleq.
Aalisarneq 150 tonsinik qaammammut pisassiissutilerlugu 1. november 2013 ammaanneqaqqissaaq.