Aqutsisuuneq tunuarniuteqarpoq
Aqutsisuunertut atorfiup inuttalerneqarnissaata tungaanut aqutsisuunerugallartussatut Ann Birkekær Kjeldsen Ilaqutariinnermut Peqqissutsimullu Naalakkersuisoqarfiup atorfinitsikkallarpaa.
Ann Birkekær Kjeldsen Kalaallit Nunaanni inunngorlunilu alliartortuuvoq, 45-nik ukioqartoq.
Peqqinnissaqarfimmi 1988-imili sulisuuvoq Naalakkersuisoqarfimmilu maannamut pisortap tullersortaalluni.
Peqqinnissaqarfik aningaasaqarnikkut sulisoqarnikkullu annertuunik maanna suliassaqarpoq.
Katsorsagassanik nunatsinnut angerlartitsiniarneq Peqqinnissaqarfiup annertunerusumik suliassaqalerneranik kinguneqassaaq, tamatuma saniatigut peqqissaasunik sulisussarsiortarneq sulisunillu tigumminniinnarsinnaanermik suliniuteqarneq immikkut unammilligassaallutik. Aamma siunissami nunap immikkoortuini napparsimaveqarfiit nutaamik naleqqussarnissaat pisariaqartoq, naalakkersuisoqarfik nalunaarpoq.
